خلاص انا قررت قرار مهم وده القرار حيطبق من اليوم
اذا نويت اعمل اي شئ في حياتي مش حتكلم واقول اني راح اعمل كذا وكذا
مش حقول ان شاء الله حبتدي اراجع انجليزي من بكره او الأسبوع الجاي
مش حقول انا نويت خلاص ابتدي اصلي قيام ليل
مش حقول انا حبطل كلام في الناس وغيبة وتقطيع
مش حقول انا حابتدي اعمل ريجيم واخفف اكل واشوت السته كيلو اللي زدتهم
مش حقول انا حقرأ قران كل يوم ولو صفحه واحده
مش حقول ولا اي حاجه علني
يعني
اذا نويت اعمل حاجه اي حاجه سواء صغيرة او كبيرة راح انويها بيني وبين نفسي وراح اطبقها واخليها عادة وساعتها ممكن اتكلم وده لكذا سبب
اولا .. بسبب حديث الرسول صلى الله عليه وسلم (واستعينوا على قضاء حوائجكم بالكتمان)
ثانيا ..لما تقول حعمل شغله وماتعملها يفضلوا يحاسبوك عليها اللي حواليك ..
انا مره نويت خلاص اني أخفف اشرب شاي وقهوة لأني فعلا مدمنه عليهم وخصوصا القهوة التركي والشاي بالنعناع لأني سمعت انها مدرة للسوائل وانا بالأصل مابأشرب مويه الا كل فين وفين ولاحظت انه صار عندي جفاف ببشرتي و قلت الكلام ده قدام اخواتي .. احيانا بأنسى او يجي على بالي مع الفطور اشرب كاسة شاي
ذلوني عالكلمه اللي قلتها ..كل ماواحده فيهم شافتني تقولي مش قلتي انك راح تبطلي !! قلتلهم انا قلت حأخفف مش حأبطل اشربه وندمت فعلا اني قلت الكلمة دي .. ونويت اني اعمل الشغله والتزم فيها وبعدين اتكلم
ثالثا ..اذا كنت ناوي تعمل حاجه كويسه بينك وبين ربنا زي قراءة القرآن او قيام الليل او الصدقه او اي شئ طيب زي كده ماتضيع الأجر بالكلام عنها وكأنك بتستعرض لأ ابتدي فيها واذا ربنا وفقك في ده الشئ ..
يصير اجرك اكبر .. واذا حبيت تنصح احد تاني .. تصير نصيحتك على اساس وتقدر تضرب المثل بنفسك
رابعا .. في حتة كده في علم النفس مرة قرأتها مش فاكره نصها .. بس بما معناها ... انه الطاقة اللي اللي كنت راح تخصصها في عمل الشئ اللي نويت عليه ( يمكن يقصدوا بالطاقه هنا الأرادة ؟؟) تبددها لما تتكلم عن الشئ ده وتفضل تتكلم وتقول مثلا انا ناوي ادعي ربنا يوفقني او بوظيفة او غيره وتعطي ايحاء كاذب لعقلك انك كأنك عملت الشئ ده وتخسر همتك و يمكن ماتعمل الشئ ده بامره وتصير عندك اتكالية .. على اساس انك دعيت ربنا وانتهى الموضوع !!
يارب اعطيني قوة اني احقق كل اللي نويت عليه .. ووفقني وسهل طريقي وناولني كل اللي ببالي يارب
3 comments:
الموضوع عجبني جدا جدا جدا بجد
اعتبيري الموضوع ده ال
masterpiece
بتاعتك
يعني تحفتك الفنيه
انا بجد اكتر كلام بيأثر فيه الكلام العفوي الصادق الي احس ان صحاب الكلام حاسس بيه
ده غير ان الموضوع مقنع جدا
افكار مرتبه حسب الاهمية وأي واحده منهم مقنعه جدا
بجد ربنا يعينك وتقدري تنفذي قرارك واستمعت جدا بقرايه الموضوع
من الرائع ان واحد يكتب موضوع بالاهمية دي وتكون قرايته ممتعه
اول شئ الكلام متداخل تعبت وانا اقراء المشكلة من الخط او من عندي
ثاني شئ موضوعك خطييييييييير من جد
وكلامك سليم لاتقولين حق احد
اقضوا حوائجكم بالكتمان
وتوكلي على رب العالمين وهو راح يكون معاك باذن الله
الله يوفقك يااارب
بس لاتنسين قوليلنا بس احنا >>>>هههههههه امزح
السلام عليكم
انا اسفه فعلا على تأخري بالرد بس للأسف كنت مشغوله الفترة اللي فاتت بالدراسه ويادوب كنت اطل طله على السريع واقرأ تعليقاتكم اللي تسعدني دايما
اخوي الفيلسوف انا شاكره مرورك العطر بمدونتي المتواضعه
اختي مضيعه بيتهم اسعدني جدا طلتك عليا وقراءتك للموضوع .. و شكرا للفت انتباهي لموضوع الخط .. انا شخصيا استخدم متصفح Opera
بنسبة 90% لما اتصفح .. عشان كده ماانتبهت لموضوع تداخل الخط لأنو الخط بالمتصفح اللي استخدمه ممتاز
شكرا مليون للفت انتباهي ولو تلاحظي انا غيرته من فترة من ساعة ماقرأت تعليقك بس فعلا كنت مستعجله ومالحقت ارد عليكم
ان شاء الله ليا عودة قريبه
Post a Comment